28 de abril de 2015

PECHE DO PATIO DE RECREO DO CEIP A RAMALLOSA

Peche do Patio de Recreo do CEIP A Ramallosa.

Dende fai anos, a comunidade de nais e pais do CEIP A Ramallosa a través do ANPA Rio Tella, estaban a demandar o illamento da zona de recreo do CEIP da zona de aparcadoiro destinada ao persoal do Centro.

Este curso 2014/2015, por fin, e mediante aprobación no Conselo Escolar púidose proceder ao peche mediante un valo metálico e unha porta corrediza de acceso entre as dúas zonas.

A obra foi sufragada ao 50% entre o Concello de Teo e o ANPA Rio Tella. A decisión de apoiar economicamente esta obra foi secundada por maioría nunha reunión do ANPA.

Dende ao ANPA agradecemos ao CEIP A Ramallosa e ao Concello de Teo o apoio mostrado nesta solicitude.

27 de abril de 2015

CAMPIONATO DE PATINAXE ARTÍSTICA

Ampla participación de Alumnos do CEIP A Ramallosa nun Campionato de Patinaxe Artística.

Durante o domingo 26 de abril de 2015 o Club Patin Oroso, organizou o Campionato de Escolas Deportivas de Patinaxe Artística, celebrada no pavillón Juanito Amigo de Sigüeiro (Oroso). A cita acudiron as Escolas Municipais de Patinaxe Artística da Ramallosa, Os Tilos e Calo. Ampla representación da patinaxe do Concello de Teo.

22 de abril de 2015

CURSO DE FORMACIÓN EN PRIMEIROS AUXILIOS PARA PERSOAL DOCENTE E NON DOCENTE DO CEIP A RAMALLOSA

Durante os días 20 e 21 de abril, a Protección Civil de Teo impartiu un Curso de Formación en Primeiros Auxilios para persoal docente e non docente do CEIP ARamallosa.

O devandito curso foi organizado de forma conxunta polo CEIP e oANPA Rio Tella.

Dende o ANPA Rio Tella, mostramos o noso agradecemento tanto á Protección Civil de Teo pola súa dedicación e a súa profesionalidade durante os cursos e ás persoas asistentes.

Cando se formulou a realización deste curso, dende o ANPAconsideramos varias razóns, pero para explicalo mellor, permitímonos incluír o apartado PRESENTACIÓN, da Guía para a Prevención de Accidente en Centros Escolares que a Protección Civil de Teo nos entregou durante o curso:

Os accidentes infantís constitúen un grave problema de saúde pública xa que son a primeira causa de morte en nenas e nenas de 1 a 14 anos. Nestas idades hai máis mortes por lesións que pala suma de todas as demais enfermidades infantís. Non obstante, está demostrado que se se tomaran as medidas preventivas oportunas a maior parte destes accidentes poderíanse evitar. De todos os accidentes infantís o 15% ocorren en centros escolares.

O centro escolar é o espazo onde nenas e nenas pasan unha grande parte do seu tempo e onde, ademais, realizan actividades, como determinados xogos e deportes, que implican riscos engadidos aos habituais. A prevención de accidentes no centro escolar implica a asunción do seu papel como contorno promotor de saúde; por iso a súa tarefa debe ser a de poñer en marcha todas as medidas de prevención posibles, para acadar un contorno seguro, respectando a normativa vixente e adoptando una serie de recomendacións específicas. Pola súa parte, o persoal docente, como axente de saúde na prevención de accidentes, debe transmitir ao alumnado as mensaxes oportunas a través da súa conduta modélica e do traballo na aula. Para cumprir esta tarefa ha de coñecer os riscos potenciais do accidente e pór en marcha as medidas preventivas ao seu alcance, pero ademais debe de estar adecuadamente informado para intervir no caso de que se produza o dito accidente.

Grazas a todos polo voso tempo.

20 de abril de 2015

PAGO ACTIVIDADES TERCEIRO TRIMESTRE

PREZOS TERCEIRO TRISMESTRE

Ximnasia Ritmica. 2 meses: 28 €

Xedrez. 2 meses: 28 €

Circo. 2 meses: 28 €

Inglés. 2 meses: 28 €

Piscina. 3 meses: 18 €

Traballo coas mans. 2 meses: 35 €

Ballet. 2 meses: 33 €

Judo. 3 meses: 45 €

Segundo o acordado na reunión do ANPA do día 10 de outubro de 2014 procedeuse á apertura dunha conta bancaria na entidade La Caixa (CaixaBank, S.A.) na sucursal situada na Travesía de Cacheiras, 69 CP. 15883 Cacheiras (Teo).

A partir de agora os pagamentos, tanto de cotas como o pagamento trimestral de actividades realizásese de forma preferente nesta conta.

La Caixa (CaixaBank) ES7601334717424200001103

Ao realizar o pagamento é necesario e importante poñer no concepto os seguintes datos:

Nome e apelidos do alumno ou alumnos seguido da Actividade que realiza

Exemplo: MANUEL FERNÁNDEZ GARCÍA, AXEDREZ, JUDO

O ingreso non ten custe para os clientes de CaixaBank e tampoco ten custe o ingreso en persoa na sucursal de Cacheiras para os no clientes de CaixaBank.

16 de abril de 2015

FORMACIÓN EN PRIMEIROS AUXILIOS PARA DOCENTES E PERSOAL DO CEIP RAMALLOSA (TEO)

A Agrupación de Voluntarios de Protección Civil de Teo, ANPA Rio Tella e o CEIP A Ramallosa, coordinan dúas xornadas de formación para persoal docente e non docente do CEIP A Ramallosa.

Dende o ANPA Rio Tella agradecemos a boa acollida das xornadas de formación que terán lugar os días 20 e 21 de abril de 2015.

As xornadas teñen como obxectivos formar nas nocións básicas relacionadas cos primeiros auxilios, así como instruír nas actuacións básicas antes as principais continxencias sanitarias que se producen nun centro escolar.

Establécense dous módulos, un teórico de e outro práctico de 2 horas cada un.

15 de abril de 2015

APOIO A ANPA SAN ISIDRO- ROIS POLA NORMALIZACIÓN DO SEU HORARIO

O ANPA Rio Tella dá Ramallosa, mostra o apoio aos compañeiros/ás do ANPA San Isidro-rois na súa reclamación para que a Xunta normalice o seu horario escolar.