ANPA RIO TELLA: junio 2015

15 de junio de 2015

FESTIVAL SOLIDARIO DEPORTIVO ANPA RIO TELLA - RESUMO

O pasado día 12 de xuño de 2015 celebramos no CEIP dá Ramallosa el Festival Solidario Deportivo ANPA Rio Tella no Pavillón de Deportes Ezequiel Mosquera do Concello de Teo e no propio CEIP A Ramallosa.

Durante a xornada realizáronse o campionato de Judo nas súas diferentes categorías e as exhibicións de Ballet, Ximnasia, Circo e Inglés, pertencentes, ao igual que Judo ás actividades extraescolares programadas polo ANPA Rio Tella no curso 2014/2015.

A participación foi numerosa contando con máis de 300 nenos, tanto en Judo como no resto de actividades.

Durante todo a tarde e en diversas localizacións do reciento do CEIP A Ramallosa, contouse con inchables, animación de xogos, paseo en cabalo e demostración de béisbol.

O ANPA Rio Tella, instalou un pequeno mercado solidario con achegas do Roupeiro Municipal de Teo e un punto de recollida para o Banco Veciñal de Alimentos de Teo, onde se recolleron máis de 100 Kg de alimentos, así como un peto solidario a favor de ASPAMITE.

Unha representación de ASPAMITE acompañounos durante toda a xornada. Agradecemos a súa presenza e o apoio que nos brindaron.

Como mostra de agradecemento dirémosvos que contamos co apoio desinteresado de:

Gadis, coa achega de auga e froita para os participantes no campionato de de Judo.
Arc Os Tilos, por facernos pasar una excelente tarde con xogos tradicionáis e animación para os mais pequenos.
Club de Béisbol e sófbol Os Tilos, realizando unha demostración práctica deste deporte, que incluiremos como actividade extraescolar o próximo ano se hai suficiente demanda.
Ultreia Centro Ecuestre, por participar no Festival facendo as delicias dos nenos montando os seus preciosos cabalos.
Javier Rial, profesor de judo nas actividades extraescolares do ANPA Rio Tella e por extensión ao seu equipo por facer posible un gran campionato de Judo e axudar ao ANPA Rio Tella na organización do Festival.

Grazas tamén a todos os monitores das actividades do ANPA Rio Tella pola súa dedicación e a súa participación no Festival.

O ANPA Rio Tella estamos agradecidos aos profesores do CEIP que se achegaron para arrouparnos e ao Concelleiro Anxo Rei pola súa presenza no Festival.

Pedimos igualmente desculpas polas cousas que puidesen saír mal, e animádevos a todos os pais do CEIP a participar no ANPA como membros activos e a colaborar nas próximas actividades para o próximo curso 2015/2016.

Grazas.

10 de junio de 2015

POLA GRATUIDADE UNIVERSAL DOS LIBROS DE TEXTO

Ó Ensino Público é unha realidade imprescindible na nosa vida, é a garantía de que os nosos fillos e fillas terán futuro, e que todas e todos o terán nas mesmas condicións e cos mesmos dereitos. Para que isto sexa así nós, as familias, traballamos todos os días, para que o Ensino Público mellore constantemente e para que ninguén quede fóra del.

Nós sabemos que no Ensino Público non pode haber diferenzas porque queremos que os nosos fillos e fillas medren en igualdade, e porque entendemos que a súa educación debe estar ao marxe das diferenzas económicas, por iso defendemos sempre que TODO o ensino público ten que ser gratuíto, e podemos dicilo e esixilo porque nós, a xente deste País, somos quen aportamos cos nosos impostos todo o diñeiro público, e debemos ser nós tamén quen decidamos en que e como se vai utilizar ese diñeiro.

Pero é necesario que aqueles a quen escollemos para que organicen a administración da vida en común actúen de acordo co que nós decidimos, porque foi para iso para o que os escollemos, e escoiten e entendan que:

• Todos os nenos e nenas desta Nosa Terra teñen dereito a un ensino público gratuíto

• Dentro dese ensino público gratuíto teñen que estar incluídos todos os libros de texto.

• Identificamos libros de texto con calquera material didáctico adaptado que calquera neno ou nena poida necesitar, e reclamamos tamén a súa gratuidade.

• Eses libros e material son de todos, e queremos recibilos só en préstamo mentres os necesiten os nosos nenos e nenas, para que logo volvan aos seguintes e así mentres sexan utilizables.

E repetímolo, por se non se nos entende:

As FAMILIAS E AS ANPA QUE FORMAMOS A FEDERACIÓN… E A CONFEDERACIÓN ANPAS GALEGAS.

ESIXIMOS A VOLTA A UN SISTEMA DE PRÉSTAMO UNIVERSAL E GRATUITO DO LIBROS DE TEXTO OU DO O MATERIAL QUE OS SUBSTITÚA, SEN QUE DEPENDA DAS RENDAS DAS FAMILIAS, SENÓN QUE SEXA O MESMO PARA TODO O ALUMNADO GALEGO.

ESIXIMOS TAMÉN A GRATUIDADE ABSOLUTA, SEN QUE DEPENDA DE NINGUNHA CONDICIÓN PERSOAL NIN ECONÓMICA, DE TODO O MATERIAL DIDÁCTICO ADAPTADO QUE PRECISE CALQUERA NENO OU NENA GALEGOS.