25 de abril de 2014

CONCURSO DE DEBUXO 2014: RISAS

Bases


Participantes: Poderá concorrer calquera alumna/o do presente curso 2013-2014 do CEIP 
A Ramallosa. Cada participante poderá presentar un único debuxo.

Tema: RISAS. Para participar no concurso de debuxo da ANPA deste ano hai que debuxar unha escena de risa. Unha cousa graciosa que che sucedera. Algo desternillante que imaxines. 
Un retrato da túa familia, amigos, mascota, ou de ti mesmo partíndote de risa. O que se che ocorra, con RISAS. Se queres, podes explicar brevemente de que vai o debuxo no reverso do papel.

Datas: Os debuxos entregaránse aos profes o día 12 de maio de 2014 a máis tardar.

Presentación: Os traballos non poderán ser identificados co nome do participante. O profesor/a asignará un número a cada traballo, que se corresponderá co nome da alumna/o que o realizou, quedando o listado baixo a custodia da Dirección do Centro, que o manterá en segredo ata que o xurado resolva.

Premios: O xurado fallará 3 premios para cada unha das categorías. O primeiro premio de cada categoría estará dotado cun vale de 50 euros para mercar nas librerías O Trasno Viaxeiro e D’Ana. Os segundos e terceiros premios estarán respectivamente dotados con vales de 40 e 30 euros para mercar nos mesmos establecementos.

Os debuxos gañadores incluiranse nas entradas, programas de man e carteis do VI Festival Solidario ANPA Río Tella. A lista de premiados publicarase en neste blog a partir do xoves 26 de maio.

Entrega de premios: Terá lugar no festival solidario programado para o domingo 1 de xuño.

Xurado: Estará constituído por un mínimo de tres membros da Xunta Directiva da ANPA, cada un puntuará tódolos traballos presentados ó concurso. A decisión do xurado será inapelable.









CONCURSO DE DEBUXO 'ANPA RIO TELLA' 2014


23 de abril de 2014

ASEMBLEA ORDINARIA ANPA ‘RÍO TELLA’ - VENRES, 25 DE ABRIL

CONVOCATORIA ASEMBLEA ORDINARIA ANPA ‘RÍO TELLA’

ORDE DO DÍA

A ANPA ‘Río Tella’ convoca aos pais e nais do CEIP da Ramallosa a unha asemblea ordinaria que terá lugar o vindeiro VENRES, 25 DE ABRIL no Salón de Actos do CEIP da Ramallosa, ás 19.30 horas en primeira convocatoria, e ás 20.00 horas en segunda, coa seguinte orde do día:

  1. Lectura e aprobación, se procede, da acta da reunión anterior
  2. Información sobre a organización do festival solidario de fin de curso promovido pola ANPA
  3. Excursión de fin de curso da ANPA
  4. Información sobre Renovación de cargos na directiva da ANPA
  5. Rogos e preguntas


Queremos chamar á vosa atención sobre a importancia da asistencia a esta asemblea, na que se informará do proceso de renovación da directiva da ANPA, que logo de varios anos de traballo ve a necesidade dunha renovación. Deste xeito, animámosvos a que consideredes a posibilidade de formar parte dun novo equipo directivo da ANPA, unha actividade que agora máis que nunca é fundamental para garantir o dereito dos nosos fillos e fillas a unha educación pública de calidade. De non existir candidatos ou candidatas dispostos a exercer esta responsabilidade, procederíase á disolución da ANPA, o que levaría asociado a desaparición dunha serie de servizos (actividades extraescolares, servizo de madrugadores), así como de
ingresos económicos a través de subvencións imprescindibles para diversas actuacións coas que se sufragan melloras no centro e outras actividades. Agardamos a vosa asistencia.

Sen outro particular, recibide un cordial saúdo.      ANPA ‘Río Tella’

3 de abril de 2014

Del 7 al 13 de abril se celebra la Semana Mundial de la Alergia

"Del 7 al 13 de abril se celebra la Semana Mundial de la Alergia. AEPNAA se une a esta iniciativa de la WAO (Organización mundial de la alergia).

En apoyo a las personas con alergia a alimentos y látex, ayúdanos a difundir esta imagen poniéndola como perfil y compartiéndola con tus contactos. ¡¡¡Juntos podemos!!!"



Creative Commons License
Este trabajo está licenciado bajo Creative Commons Attribution-NonCommercial-NoDerivs 3.0 Unported License
.