CONVOCATORIA DAS BOLSAS DE ENSINO E TRANSPORTE PARA O CURSO 2013/14 DO CONCELLO DE TEO

O Concello de Teo convoca as axudas para o ensino e o transporte para o curso escolar 2013/14. Estas bolsas pretenden favorecer a escolarización pública e a formación universitaria nas familias con menos recursos económicos do municipio.

Descarga aquí as bases completas da convocatoria

Descarga aquí o impreso de solicitude das bolsas

As bases da convocatoria están publicadas no BOP número 206 do 29 de outubro de 2013. O impreso de solicitude aparece como anexo nas bases da convocatoria ou podes descargar premendo aquí

. O prazo para presentar a solicitude remata o 23 de novembro de 2013. 

Requisitos:

a) Cursar estudos nalgún dos seguintes centros de ensino para os que se solicita a axuda:

• PRIMARIA E INFANTIL: todos os centros públicos do Concello (CEIP A Ramallosa, Os Tilos, Calo e CRA)
• ESO: IES de Cacheiras e Pontepedriña
• FP OU PCPI: calquera centro público
• BACHARELATO: IES de Cacheiras , IES de Pontepedriña e o alumnado que curse noutro IES algunha modalidade de Bacharelato que non exista nos centros anteriores.
• UNIVERSITARIOS: calquera universidade galega.
• ENSINANZAS DE RÉXIME ESPECIAL-ENSINANZAS ARTÍSTICAS SUPERIORES: Calquer centro galego.
• O ALUMNADO cuxas necesidades educativas especiais impidan a súa escolarización nun centro ordinario do municipio,poderá solicitar a axuda para a asistencia a un Centro de Educación Especial, aínda que non estea localizado no Concello.

b) Que a renda per cápita familiar non supere os límites establecidos na base quinta da presente convocatoria.

c) Estar empadroado no Concello de Teo e ser fillo dependente. Non pode beneficiarse destas axudas o alumnado que non sexa dependente. Consideraranse fillos dependentes os menores de 25 anos e que convivan no domicilio familiar a 31 de decembro do ano inmediato anterior a aquel no que comeza o curso escolar para o que se solicita a axuda sempre que non teñan un contrato de traballo ou percibiran recursos (agás bolsas) durante o ano 2013.

d) Xustificante da matrícula do/a alumno/a para o curso 2013/2014 (agás alumnos/as de Primaria, Infantil e ESO).

e) Cumprir os requisitos para obter a condición de beneficiario, recollidas nos artigos 13 da Lei 38/2003, do 17 de novembro, Xeral de Subvencións e 10 da Lei 9/2007, do 13 de xuño, de Subvencións de Galicia.

f) As axudas serán solicitadas polos representantes legais do alumnado: os pais, as nais ou os titores.

g) Poderán ser beneficiarios da axuda de transporte o alumnado de:Formación Profesional; PCPI, universitarios, alumnado de Bacharelato que curse estudios no IES de Pontepedriña, ou noutro IES nalgunha modalidade que non se imparta no municipio; alumnado con necesidades educativas especiais escolarizado en centros de educación especial e talleres ocupacionais de fóra do Concello ou alumnado de ensinanzas artísticas superiores.

Documentación:

a) As solicitudes para a concesión destas axudas formalizaranse no impreso normalizado que se inclúe como Anexo I e poderá así mesmo obterse nas oficinas xerais (Rexistro de Entrada)

b) Xunto coa solicitude, no modelo normalizado e debidamente cuberto, presentarase a seguinte documentación:

•  Fotocopia do DNI do solicitante (pai, nai ou titor).
• Fotocopia do libro de familia no que figuren todos os membros da unidade familiar.
• Fotocopia da declaración da renda correspondente ao exercicio 2012 dos pais ou titores legais. No caso de non estar obrigado a presentar a declaración do IRPF, copia da notificación-liquidación ou certificado acreditativo do nivel de rendas emitido pola Axencia de Administración Tributaria que corresponda. Excepcionalmente, se a unidade familiar alega carecer de recursos, ou quere acreditar unha situación excepcional, imprevista ou de carácter de especial necesidade que afecte negativamente á situación familiar, deberá acreditala mediante informe social. Nos casos de separación ou divorcio estase ao previsto na Base 6ª para a determinación dos membros da unidade familiar.
• No caso de presentar solicitude para varios irmáns, só é necesario presentar un exemplar da fotocopia do DNI do solicitante, do libro de familia e da declaración do IRPF dos proxenitores.
• Facturas que acrediten o gasto realizado en material escolar ou libros para o alumnado de primaria, infantil e E.S.O. Dado o carácter finalista das axudas desta convocatoria, en ningún caso, o importe da axuda concedida polo Concello poderá ser superior ao gasto realizado polo/a beneficiario/a. En consecuencia, de ser necesario, realizarase o oportuno axuste na cantidade da axuda concedida en cada caso.
• Certificado da matrícula expedido polo centro educativo para o alumnado de Bacharelato, F.P. , PCPI, universitarios, e ensinanzas artísticas superiores .
• Certificado que acredite o grao de minusvalía e/ou incapacidade nun grao igual ou superior ao 33% dalgún membro da unidade familiar, se procede.
• Certificado que acredite a situación de desemprego por un período superior a 6 meses durante o ano 2013 dalgún membro da unidade familiar, se procede.
• Declaración responsable de atoparse ao corrente coas obrigas tributarias e da Seguridade Social, de non estar incurso/a en ningunha das prohibicións para obter a condición de beneficiario/a de subvencións públicas e de estar ao corrente no cumprimento de obrigas por reintegro de subvencións, , e autorización ao concello de Teo para que realice as comprobacións oportunas durante todo o período que dure o proceso, segundo Anexo II.

Lugar de solicitude:

As solicitudes presentarase no rexistro xeral do Concello de Teo, de luns a venres en horario de 8:00 a 14:00 horas ou os sábados de 9:00 a 13:00 horas.

Prazo:

O prazo para presentar as solicitudes é de 20 días hábiles dende o día seguinte da publicación da convocatoria no BOP. O prazo remata o 23 de novembro.

En prazo de presentación: 30/10/2013 - 23/11/2013 

RESUMO DO CONSELLO ESCOLAR DO 29/10/2013

1) Lectura e aprobación, se procede, da Acta da sesión anterior. 

O Secretario do CEIP comunicou que a través dunha dilixencia que as actas do Conselo Escolar se realizarán en soporte dixital. 

A acta da sesión anterior foi leida polo secretario e aprobada polo conxunto de asistentes. 

2) Aprobación, se procede, do Plan Xeral Anual 

Aprobada a participación nas Actividades de Inmersión Lingüística (12 votos a favor). Prepararase e presentarase o proxecto, a espera de que se nos conceda. 

O Subdirector do CEIP procedeu a ler algúns temas do Plan Xeral Anual (PXA). Tratáronse temas importantes do PXA como a Avaliación de Diagnóstico 2012 do CEIP. Para mellorar os resultados en próximo ano, o PXA propón unhas accións de mellora, que con respecto ás familias e o ámbito son as seguintes: 

• Estimular a comunicación familia-escola. 
• Lograr o compromiso das familias no seguimento e apoio ao alumnado, segundo as indicación do profesorado. 
• Insistir na necesidade da lectura diaria na casa. 
• Crear hábitos de estudo e traballo na casa. 

3) Rogos e preguntas 

Clara Rosón López, representante dous pais, propuxo dúas conferencias: 

• Sobre Roberto Vidal Bolaño (dedicado a pais) 
• Sobre o uso de internet nas familias (dedicado aos alumno) 

Roberto Blanco entregou un documento con son proposta e achegas que os pais de alumnos do CEIP A Ramallosa fan aos seus representantes directamente ou a través das vías de comunicación á súa disposición como o Blog, correo electrónico, facebook e reunións periódicas do ANPA. 

En resumo as peticións e respostas foron estas: 

a.- Propúxose illar a zona de recreo da zona de tránsito de vehículos, tal e como se recolle no PXA. 

Resposta: Non se considera unha obra prioritaria. 

b.- Solicítase que os contedores de lixo se cambien de lugar e se sitúen nunha zona na que os alumnos non poidan acceder, eliminando os problemas de hixiene e malos cheiros que poden ocasionar a súa localización. 

Resposta: Non se propón solución ao respecto. 

c.- A canastra de baloncesto oxidada e os restos da base doutra canastra seguen no patio de recreo, despois de pedir nun Consello anterior a súa retirada. Pedimos novamente a súa retirada inmediata por supoñer un perigo para os alumnos. 

Resposta: Están a esperar que o Concello ou algunha empresa interesada nos restos retiren a canastra. 

d.- Tratáronse algúns problemas sobre o comedor, entre os que está o abastecemento de auga durante os períodos nos que sae sucia polas billas. 

Resposta: En canto ao abastecemento, se a Directora e a Responsable de Comedor consideran que a auga non é acta para o consumo, chaman oConcello e a través de Protección Civil Teo, subminístrase auga embotellada. 

e.- Cando chove a auga acumúlase nas marxes internas do aparcadoiro habilitado para os pais dos alumnos, deixando charcos de auga no patio de recreo dos nenos. Queremos saber se isto está solucionado. 

Resposta: Non se ten constancia dese problema, pero intentarase estar pendente nos próximos días. Se este problema é certo, tomaranse medidas para solucionalo. 

f.- O horario de peche das portas do aparcadoiro habilitado para os pai de alumnos péchase ás 16:00. Pídese que os martes, xoves e venres este peche se atrase ata as 17:30 polos seguintes motivos: 

• martes os pais teñen as entrevistas cos profesores e estas adoitan rematar ás 17:30. 
• xoves a actividade do ANPA de Ballet e Baile remata dá as 17:30 e os pais que recollen aos seus fillos necesitan aparcar. 
• venres a actividade do ANPA de Judo remata dá as 17:30 e os pais que recollen aos seus fillos necesitan aparcar. 

Resposta: Este problema está solucionado. 

g.- Existe preocupación pola lúa do ximnasio do CEIP, xa que se encontra con danos visibles e que poden ser un perigo para os alumnos que xogan no patio ou fan actividades dentro do ximnasio. 

Resposta: É vidro laminado. 

Pais asistentes: Fernando Pernas, Geraldina Aldariz, Clara Rosón, Roberto Blanco

CONVOCATORIA CONSELLO ESCOLAR 29 DE OUTUBRO DE 2013

PROXECTO DAS ACTIVIDADES DO APOIO EDUCATIVO

O currículo de Educación Infantil, sinala no seu artigo 3º. 

1. A finalidade da Educación infantil é a de contribuír ao desenvolvemento físico, afectivo, social e intelectual das nenas e dos nenos. 

2. Na educación infantil atenderase progresivamente ao desenvolvemento afectivo, ao movemento e aos hábitos de control corporal, ás manifestacións da comunicación e da linguaxe, ás pautas elementais de convivencia e relación social, así como ao descubrimento das características físicas e sociais do medio. Ademais facilitarase que nenas e nenos elaboren unha imaxe de si mesmos, positiva e equilibrada e adquiran autonomía persoal. 

Polo tanto, calquera actividade educativa plantexada dentro da escola, debe incidir e axudar a acadar os fins arriba expostos. Como mestra responsable, das actividades de apoio educativo e en estreita coordinación coas mestras titoras dos vosos fillos e fillas, a miña proposta pretende ser coherente cos obxectivos, contidos e metodoloxía que o currículo fixa para esta etapa educativa, conferíndolle a mesma importancia a todas as situacións de aprendizaxe. 

O motor principal da acción educativa debe ser, polo tanto, o desenvolvemento integral da persoa, a través de experiencias e actividades didácticas de carácter lúdico, partindo da realidade individual de cada criatura para chegar a acadar, de xeito gradual , os obxectivos sinalados para esta etapa educativa. Ademais o noso currículo no seu anexo II, recolle a importancia de introducir xa desde esta etapa educativa as oito competencias a desenvolver e á acadar ao longo do ensino básico. Pensamos que estas actividades son un exemplo de proposta globalizada para o logro de todas as competencias, con especial incidencia na competencia en comunicación lingüística, competencia cultural e artística, social e cidadá, competencia na interación co mundo físico, competencia para aprender a aprender e por suposto “autonomía e iniciativa persoal”.

TEXTO COMPRETO:    VER   -    DESCARGAR

ANTEPROXECTO DE DECRETO ..../2013, DO .......... DE ....., POLO QUE SE DESENVOLVE A LEI 4/2011, DO 30 DE XUÑO, DE CONVIVENCIA E PARTICIPACIÓN DA COMUNIDADE EDUCATIVA EN MATERIA DE CONVIVENCIA ESCOLAR

Anteproxecto de Decreto …./2013, do...................de...., polo que se desenvolve a Lei 4/2011, do 30 de xuño, de convivencia e participación da comunidade educativa en materia de convivencia escolar.

DESCARGAR O ANTEPROXECTO

DESCARGAR A LEI 4/2011 DO 30 DE XUÑO