AVALIACIÓN INDIVIDUALIZADA DE TERCEIRO CURSO DE EDUCACIÓN PRIMARIA - DOCUMENTACION OFICIAL

Xúntase a Resolución do 24 de abril de 2015, da Dirección Xeral de Educación, Formación Profesional e Innovación Educativa, pola que se ditan instrucións para o desenvolvemento da avaliación individualizada dos alumnos e alumnas de terceiro curso de educación primaria na Comunidade Autónoma de Galicia para o curso 2014/15.

• No enlace http://www.mecd.gob.es/inee/Evaluacion_tercero_Primaria.html poden consultarse modelos de probas para terceiro de educación primaria elaboradas coa colaboración do MECD e as Comunidades Autónomas.

• A aplicación das probas da avaliación individualizada de terceiro curso de educación primaria realizarase os días 27 e 28 de maio.

• Os centros educativos disporán ata o día 5 de xuño inclusive para a corrección da proba e a gravación dos datos. 

DOCUMENTOS:

Resolución do 24 de abril de 2015: Instrucións para a avaliación individualizada do alumnado de 3º curso de primaria (DOG)

Instrucións para a realización da proba da avaliación individualizada do alumnado de terceiro curso de educación primaria 

Carta Rexeitamento Familias 

Carta Concelación de Datos Persoais 

Qué é aavaliación-reválida de 3º de primaria? Confederación de ANPAS Galegas 

PECHE DO PATIO DE RECREO DO CEIP A RAMALLOSA

Peche do Patio de Recreo do CEIP A Ramallosa. 

Dende fai anos, a comunidade de nais e pais do CEIP A Ramallosa a través do ANPA Rio Tella, estaban a demandar o illamento da zona de recreo do CEIP da zona de aparcadoiro destinada ao persoal do Centro. 

Este curso 2014/2015, por fin, e mediante aprobación no Conselo Escolar púidose proceder ao peche mediante un valo metálico e unha porta corrediza de acceso entre as dúas zonas. 

A obra foi sufragada ao 50% entre o Concello de Teo e o ANPA Rio Tella. A decisión de apoiar economicamente esta obra foi secundada por maioría nunha reunión do ANPA. 

Dende ao ANPA agradecemos ao CEIP A Ramallosa e ao Concello de Teo o apoio mostrado nesta solicitude. 

CAMPIONATO DE PATINAXE ARTÍSTICA

Ampla participación de Alumnos do CEIP A Ramallosa nun Campionato de Patinaxe Artística. 

Durante o domingo 26 de abril de 2015 o Club Patin Oroso, organizou o Campionato de Escolas Deportivas de Patinaxe Artística, celebrada no pavillón Juanito Amigo de Sigüeiro (Oroso). A cita acudiron as Escolas Municipais de Patinaxe Artística da Ramallosa, Os Tilos e Calo. Ampla representación da patinaxe do Concello de Teo.

CURSO DE FORMACIÓN EN PRIMEIROS AUXILIOS PARA PERSOAL DOCENTE E NON DOCENTE DO CEIP A RAMALLOSA

Durante os días 20 e 21 de abril, a Protección Civil de Teo impartiu un Curso de Formación en Primeiros Auxilios para persoal docente e non docente do CEIP ARamallosa. 

O devandito curso foi organizado de forma conxunta polo CEIP e oANPA Rio Tella. 

Dende o ANPA Rio Tella, mostramos o noso agradecemento tanto á Protección Civil de Teo pola súa dedicación e a súa profesionalidade durante os cursos e ás persoas asistentes. 

Cando se formulou a realización deste curso, dende o ANPAconsideramos varias razóns, pero para explicalo mellor, permitímonos incluír o apartado PRESENTACIÓN, da Guía para a Prevención de Accidente en Centros Escolares que a Protección Civil de Teo nos entregou durante o curso: 

Os accidentes infantís constitúen un grave problema de saúde pública xa que son a primeira causa de morte en nenas e nenas de 1 a 14 anos. Nestas idades hai máis mortes por lesións que pala suma de todas as demais enfermidades infantís. Non obstante, está demostrado que se se tomaran as medidas preventivas oportunas a maior parte destes accidentes poderíanse evitar. De todos os accidentes infantís o 15% ocorren en centros escolares.  

O centro escolar é o espazo onde nenas e nenas pasan unha grande parte do seu tempo e onde, ademais, realizan actividades, como determinados xogos e deportes, que implican riscos engadidos aos habituais. A prevención de accidentes no centro escolar implica a asunción do seu papel como contorno promotor de saúde; por iso a súa tarefa debe ser a de poñer en marcha todas as medidas de prevención posibles, para acadar un contorno seguro, respectando a normativa vixente e adoptando una serie de recomendacións específicas. Pola súa parte, o persoal docente, como axente de saúde na prevención de accidentes, debe transmitir ao alumnado as mensaxes oportunas a través da súa conduta modélica e do traballo na aula. Para cumprir esta tarefa ha de coñecer os riscos potenciais do accidente e pór en marcha as medidas preventivas ao seu alcance, pero ademais debe de estar adecuadamente informado para intervir no caso de que se produza o dito accidente.

Grazas a todos polo voso tempo.

PAGO ACTIVIDADES TERCEIRO TRIMESTRE

PREZOS TERCEIRO TRISMESTRE

Ximnasia Ritmica. 2 meses: 28 € 

Xedrez. 2 meses: 28 € 

Circo. 2 meses: 28 € 

Inglés. 2 meses: 28 € 

Piscina. 3 meses: 18 € 

Traballo coas mans. 2 meses: 35 € 

Ballet. 2 meses: 33 € 

Judo. 3 meses: 45 € 

 Segundo o acordado na reunión do ANPA do día 10 de outubro de 2014 procedeuse á apertura dunha conta bancaria na entidade La Caixa (CaixaBank, S.A.) na sucursal situada na Travesía de Cacheiras, 69 CP. 15883 Cacheiras (Teo). 

 A partir de agora os pagamentos, tanto de cotas como o pagamento trimestral de actividades realizásese de forma preferente nesta conta. 

 La Caixa (CaixaBank) ES7601334717424200001103 

 Ao realizar o pagamento é necesario e importante poñer no concepto os seguintes datos: 

 Nome e apelidos do alumno ou alumnos seguido da Actividade que realiza 

Exemplo: MANUEL FERNÁNDEZ GARCÍA, AXEDREZ, JUDO 

 O ingreso non ten custe para os clientes de CaixaBank e tampoco ten custe o ingreso en persoa na sucursal de Cacheiras para os no clientes de CaixaBank.