GRATUIDADE SOLIDARIA: CURSO 2012/2013

Obxecto da convocatoria e procedemento

O obxecto desta orde é convocar axudas para a adquisición de libros de texto, materiais curriculares e material didáctico e complementario destinadas ao alumnado matriculado en educación primaria, en educación secundaria obrigatoria ou en educación especial en centros sostidos con fondos públicos da Comunidade Autónoma de Galicia, no curso escolar 2012/2013.  mais .......

LINK A PAXINA DA CONSELLERÍA

ESCOLAS CULTURAIS DO CONCELLO DE TEO PARA O CURSO 2012/2013

Ábrese o prazo para a preinscrición nas escolas culturais para o curso 2012/13

31/08/2012 O Concello de Teo abre o prazo de preinscrición para as escolas culturais para nenos/as e adultos/as para o curso 2012/13. O prazo de preinscrición será entre o 1 e o 20 de setembro. A admisión farase por rigurosa orde de entrada da ficha de solicitude no Rexistro Xeral do Concello.

Descarga aquí a ficha de preinscrición

Máis información sobre as escolas culturais

Información sobre as escolas deportivas para nenos/as

Información sobre as actividades deportivas para adultos/as

Lugar de solicitude:

Rexistro Xeral do Concello de luns a venres de 08:00 a 14:00 horas e os sábados de 09:00 a 13:00 horas.

Prazo:

O prazo para a preinscrición remata o 20 de setembro. A listaxe de admitidos publicarase o 24 e matrícula debe formalizarse entre o 24 e o 29 de setembro. 

SUBA DO IVE MATERIAL ESCOLAR - ANPAs

                                                                                         Circular 439/12

                                                                                    

A meirande parte das librarías galegas rebélanse contra da subida do IVE.

As librarías galegas non aplicarán a suba do IVE no material escolar ata mediados de outubro, malia que a medida entrará en vigor o próximo 1 de setembro. Así confirmouno ao vicepresidente da nosa Federación, o voceiro da Federación de Libreiros de Galicia, Antonio Fernández  Maira, que explicou que as librarías atrasarán a suba do imposto ata o 15 de outubro para "solidarizarse cos pais na volta ao cole nestes momentos de crise".

Esta medida intenta evitar que as familias anticipen as compras e adquiran así máis do necesario, intentando aforrar a suba do IVE. A medida tomouse ante a preocupación detectada entre os pais.

Tamén hai que ter en conta o esforzo que isto supón para os libreiros galegos, os cales asumirán os custos. Esta recomendación de manter os prezos no material escolar será avalada por practicamente todas as librarías galegas.

Este acordo adoptouse pola inmensa maioría dos 230 libreiros asociados os cales serán identificados co cartel que achegamos.

Recibide un fraternal aperta e cordial saúdo.

XUNTA DIRETIVA.

Asdo.:

Lóis Uxío Taboada Arribe.

Vicepresidente.

NOVO ESPAZO DO ANPA

Novo espazo de información do ANPA Rio Tella.

No apartado DOCUMENTOS está para descarga o calendario escolar 2012/2013 publicado pola Xunta de Galicia.