FICHA REXISTRO ASOCIADOS NO ANPA RIO TELLA

FORMULARIO

Bos días.

Entre os obxectivos do ANPA Rio Tella para este curso 2014/2015, está crear un modo de comunicación cos nosos asociados que será rápido e efectivo, para iso precisamos ter un rexistro actualizado e cos datos necesarios.

Este rexistro efectuarase este ano para todos os asociados, tanto para os que renovades coma para os de nova incorporación. En anos sucesivos, pedirase un confirmación ou modificación de datos sexa por baixa voluntaria, por desvinculación educativa do CEIP ou por calquera outro motivo.

Descarga o Formulario que podedes encher de varias formas:

• Con Acrobat podedes enchelo no voso ordenador, gardalo e envialo por correo electrónico a anpariotella@gmail.com
•  Pódese imprimir e encher manualmente (con maiúsculas se é posible) e entregar na Consellaría do CEIP, ou na caixa de correo de correo do ANPA que está situado na porta grande do CEIP por onde entran os autobuses, ou entregar a calquera membro da directiva do ANPA.

A próxima semana deixaremos exemplares en Consellaría por se algunha persoa non recibe este correo por non estar incluído na lista de distribución do ANPA.

Grazas a todos os asociados pola vosa colaboración.

Directiva do ANPA Río Tella

FORMULARIO

AULAS DE CONCILIACIÓN ASOCIACIÓN RECREATIVA E CULTURAL OS TILOS

Somos a Asociación Recreativa e Cultural Os TIlos e o Club San Francisco Teo, dúas entidades sen ánimo de lucro situadas nos Tilos, a 3km de Santiago de Compostela. 

No curso 2013-2014 contamos con 415 familias asociadas e o noso obxectivo é seguir crecendo nesta línea neste curso que xa comezou.

Dentro dos obxectivos máis importantes da Asociación, destacamos a CONCILIACIÓN FAMILIAR, LABORAL E PERSOAL, e nesta liña contamos con dúas Aulas de Xogos:  unha a de pequenos/as de 3 a 7 anos, e outra o Club dos Piratas, destinada a nenos e nenas de 8 a 12 anos. Son aulas que ofrecen actividades lúdico educativas en horario de luns a venres de 16 a 20:30h. Na línea da conciliación contamos tamén con Campamentos, sempre en todos os horarios vacacionais, en horario de 7:30 a 20:30h.

Todas estos proxectos se caracterizan por ofrecer actividades de gran calidade cun prezo moi asequible para as familias.

SOLICITAMOS: 

A maior difusión posible, sexa a través do cartaz informativo (pegado do mesmo nos centros escolares ou a través da difusión nas redes sociais), ou sexa a través do reenvío do presente email.

Axuntamos cartaz informativo cos proxectos de CONCILIACIÓN FAMILIAR, LABORAL E PERSOAL.

Un saúdo

O equipo da Asociación Recreativa e Cultural Os Tilos

-- 

ASOCIACIÓN RECREATIVA E CULTURAL OS TILOS

Rúa Ameneiro Núm.8 (Baixos Parroquiais)

15894 Os Tilos - Teo

Tfno./Fax : 981 819 501

Móbil: 673769537

Web: www.arcostilos.org

CONSELLO ESCOLAR - CALENDARIO PARA A CELEBRACIÓN DE ELECCIÓNS

CALENDARIO PARA A CELEBRACIÓN DE ELECCIÓNS

Segundo a Resolución do 19 de setembro de 2014 (DOG do 1 de outubro)

DATAS É ACTUACIÓNS

27-Outubro (luns)

• Publicación no taboleiro de anuncios do Centro da data e hora no que se procederá ao sorteo público para a designación dos membros da Xunta Electoral. (Artigo 30 do Decreto 92/1988 segundo redacción dada polo Decreto 324/1994; DOG do 9 de agosto)
• Envío de circular aos pais e nais anunciando dito sorteo.

28 - Outubro (martes)

• Sorteo público, ás 12,00 horas, para a designación dos membros da Xunta Electoral (Titulares e Suplentes).
• Segundo o resultado anterior, envío de citacións para a constitución da Xunta Electoral.

4 - Novembro (martes)

• Primeira reunión da Xunta Electoral:
• Acto da súa constitución.
• Aprobación do calendario de actuacións.
• Publicación nos taboleiros de anuncios:

1. Das convocatorias de eleccións nos distintos sectores educativos.
2. Dos correspondentes censos electorais.

• Escrito ao Concello e a ANPA solicitando a designación dos seus representantes.

5 - Novembro (mércores)

• Envío de circular ás nais e pais do alumnado coa convocatoria do seu sector.

Do 7 ao 17 de novembro

• Prazo de presentación de candidaturas aos distintos sectores.

10 - Novembro (xoves)

• Envío de convocatoria para a celebración da segunda reunión da Xunta Electoral.
• Envío de convocatoria de Claustro informativo para o día 18 (Art. 35 do Decreto 92/1988).

18 - Novembro (martes)

• Segunda reunión da Xunta Electoral:

1. Admisión, proclamación e publicación de candidaturas.
2. Aprobación dos censos electorais e de modelo de papeletas, sobres...
3. Sorteo público para a designación dos membros das mesas electorais.

• Reunión de Claustro de Profesores (Lectura de normas, Relación de candidaturas, Acordo de convocatoria de Claustro extraordinario para o martes, día 25.

19 - Novembro (mercores)

• Comezo das distintas campañas electorais.
• Envío de:

1. Circular ás nais e pais do alumnado anunciando as candidaturas do seu sector.
2. Convocatoria de Claustro extraordinario a celebrar o día 25.
3. Citacións para a constitución das distintas mesas electorais.
4. Convocatoria para a terceira e última reunión da Xunta Electoral.

21 - Novembro (venres)

• Envío aos pais e nais do alumnado dunha circular recordatoria do día das votacións do seu sector.

25 - Novembro (martes)

• VOTACIÓNS:

1. Persoal de administración e servizos, de ser o caso. (Ás 12'00 horas).
2. Profesorado. (Ás 16'00 horas).
3. Pais, nais e titores legais do alumnado. (De 16,30 a 20'00 horas).

26 - Novembro (mércores)

• Terceira e última reunión da Xunta Electoral:

1. Proclamación e publicación de candidatos electos.
2. Traslado das actas das mesas electorais ao titular da delegación provincial.

• Envío de convocatoria de reunión para a constitución do novo Consello Escolar. (Artigo 52 do Decreto 92/1988, DOG do 29 de abril).

2 - Decembro (martes)

• Celebración de reunión do novo Consello Escolar:

1. Constitución do Consello.
2. Designación dos membros que van a constituír a Comisión Económica.
3. Designación da persoa responsable de impulsar medidas educativas que fomenten a igualdade real e efectiva entre homes e mulleres. (Art. 126.2 da LOE).
4. Constitución do Observatorio da Convivencia Escolar. (Art. 7º do Decreto 85/2007, do 12 de abril e Instrucións da Consellería de Educación do 17 de outubro de 2007).

Antes do 20 de decembro

• Envío á/ao Xefa/e Territorial do formulario que se publica como anexo II Segundo a Resolución do 19 de setembro de 2014 (DOG do 1 de outubro).

RENOVACIÓN CONSELLO ESCOLAR - CALENDARIO PAR A CELEBRACIÓN DE ELECCIÓNS

RENOVACIÓN CONSELLO ESCOLAR - RESULTADOS DO SORTE PÚBLICO PARA A DETERMINACIÓN DOS MEMBROS DA XUNTA ELECTORAL