ANAPA RIO TELLA NA FOLGA DE NAIS E PAIS

A xunta directiva do ANPA Rio Tella, posiciónase a favor da Folga de nais e pais convocada para o Xoves 18 de Outubro de 2012

A LEI WERT A EXAME

Estimados amigos e amigas.

 Xuntamos información da xornada "A Lei wert a exame"que terá lugar na Coruña o día 27 de outubro (sábado) organizada por CONFAPA-GALICIA como debate-coloquio para coñecer o anteproxecto de lei orgánica de educación LOMCE e facer unha análise do seu contido e dos cambios comparativos coa LOE 

Lugar: Centro Cívico de Os Mallos. Avda. Arteixo, 147 A Coruña.

Un saúdo
Xunta directiva
Federación Provincial ANPAs
A Coruña


Documentación

• Circular Nº 101/12 CONFAPA GALICIA "A lei Wert a exame"
• Folla Inscrición "A lei Wert a exame"

Noticia de CONFAPA-GALICIA

18 DE OUTUBRO FOLGA DE NAIS E PAIS

CONFAPA-GALICIA SECUNDA A INICIATIVA DE CEAPA DE SUMARSE

Á FOLGA CONVOCADA POLO SINDICATO DE ESTUDANTES PARA CONVERTILA NUNHA ACTUACIÓN CONXUNTA DO ALUMNADO E AS FAMILIAS

Entre outras cousas, CONFAPA-GALICIA convoca á folga para as nais e os pais para o xoves día 18 de outubro.

CONFAPA-GALICIA considera que a gravísima situación actual demanda unha resposta contundente do alumnado e as súas familias. Estamos ante un ataque sen precedentes aos dereitos do alumnado e das familias, con salvaxes recortes na educación pública que, no contexto actual, vense agravados pola coincidencia con outras medidas igualmente inaceptables.

Iniciamos un curso escolar que supera con creces os peores pronósticos; pensamos que chegou o momento de que o alumnado e as familias, ademáis de seguir a realizar movilizacións conxuntas co resto da Comunidade Educativa, eleven a súa voz para dicirlle ao Goberno Central e ao goberno de Feijoo que está a seguir o seu camiño, que temos chegado a un punto de non retorno, que non estamos dispostos a tolerar nin unha soa medida máis.

Alumnos e pais estamos soportando recortes en todas as partidas, que non fan outra cousa que castigar as xa maltreitas economías familiares, abocando ao abandono educativo a moitos rapaces e rapazas por cuestións económicas. É intolerable e debemos cambiar radicalmente as medidas que se están a tomar.

Sobran os motivos, mais queremos subliñar especialmente que o alumnado e as familias movilizarémonos conxuntamente porque:

--Non aceptamos un novo cambio de Lei educativa. A sociedade está xa cansa de que cada novo Goberno se empecine en modificar a lexislación educativa, máxime se, como está a ocorrer agora, faise sen contar cos diferentes sectores buscando cambiar o actual modelo social e satisfacer consignas ideolóxicas.

--Non aceptamos mentiras para xustificar unha reforma do sistema educativo, terxiversando datos e facendo xuízos de valor que non están baseados en datos contrastados.

--Non aceptamos o desmantelamento da educación pública para beneficio exclusivo da iniciativa privada, desviando os fondos públicos para financiar empresas privadas da educación, moitas de dubidosa legalidade que, incluso, atrévense a vulnerar a Constitución coa connivencia de quen deberían cumprir e facer cumprir o marco legal vixente.

--Non aceptamos que se eliminen todo tipo de axudas ao alumnado e ás familias, se incrementen as cotas e as taxas -aínda máis, creándoas onde non existían- , incumplindo o mandato constitucional da gratuidade do ensino e o dereito de acceso en igualdade de condicións.

--Non aceptamos que que os irresponsables políticos que nos gobernan sigan a insultar ao profesorado que ensina aos nosos fillos e fillas, profesorado que goza do respaldo das familias e do alumnado co que conviven a cotío, nun ataque sen precedentes contra a figura do funcionario público e dos interinos, aos que se trata en ámbolos dous casos como se fosen bonecos de feira, co único obxectivo de poñer a educación en mans da empresa privada e, con iso, de precarizar a profesión docente.

En definitiva, alumnos e familias dicimos: ATA AQUÍ CHEGAMOS e esiximos,

--O cese fulminante do Ministro Wert e de todo o seu equipo

--A retirada inmediata do inaceptable anteproxecto de reforma da LOE

--A paralización inmediata de todas as medidas de recorte e desmantelamento do ensino

público

--A apertura, cun novo equipo ministerial, dun proceso real de diálogo cos diferentes sectores da Comunidade Educativa para buscar entre todos o consenso preciso para mellorar, de verdade, o ensino público.

FACEMOS UN CHAMAMENTO ÁS FAMILIAS para que realicen o día 18 de outubro unha folga de nais e pais, consistente en deixar baleiros todos os centros educativos para defender os dereitos dos nosos nenos e as nosas nenas.

Asemade, pedímosvos que facilitedes a posibilidade de que, sós ou coa vosa compaña segundo as idades e maduración dos vosos fillos, poidan estes participar nas manifestacións de estudantes a celebrar na mañán do día 17 e, todos xuntos, facelo tamén nas que se levarán a cabo na tarde do día 18 nas distintas vilas e cidades de Galiza. Do mesmo xeito, pedimos que formedes parte das Asembleas que se convoquen e dos piquetes informativos que se realicen.

Chegou o momento de dar unha mensaxe clara sobre que as cousas teñen chegado a un punto onde nunca tiveron que facelo. Non estamos dispostos a que sigan por ese camiño.

                         Cadro de accións semanal

Descarga:
Anteproyecto de ley orgánica para la mejora de la calidad educativa LOMCE

Comunicado LOMCE Plataforma defensa do ensino público

Comunicado Federación Provincial de ANPAs de apoio a Folga do 18 de outubro

Noticia de: 

CONFAPA-GALICIA

PAGAMENTO DAS ACTIVIDADES PRIMERO TRIMESTRE

Lembramos que o prazo de pagamento das actividades do primeiro trimestre remata o día 30 de outubro de 2012

O importe das actividades e da cota anual da ANPA ingresaranse en NOVAGALICIA Banco, oficina de Cacheiras, o número de conta é:

NOVAGALICIA Banco 2080 0719 01 3040002062

Lembrade que se debe indicar no concepto o nome e apelidos d@ nen@ así como das actividades nas que se inscribe, non da persoa que fai o ingreso. Exemplo:
MANUEL FERNÁNDEZ GARCÍA - JUDO, XEDREZ E COTA ANPA. 

NOTA INFORMATIVA DA ASAMBLEA ORDINARIA DO 3 DE OUTUBRO DE 2012

O pasado 3 de outubro celebrouse a Asemblea Ordinaria da ANPA Río Tella, na que figuraban os seguintes puntos na orde do día:

1. Lectura e aprobación da acta da Asemblea anterior
2. Aprobación das contas do curso 2011-2012
3. Presentación do programa de actividades
4. Rogos e preguntas

Pasamos a resumir cada un destes puntos.

1. Lectura e aprobación da acta da Asemblea anterior.

Laura Mª Lojo Rodríguez, como secretaria da ANPA, procedeu á lectura da acta, que foi aprobada pola totalidade dos asistentes.

2. Aprobación das contas do curso 2011-2012

Arantza Portabales Santomé, como tesoureira da ANPA, entregou aos asistentes un resumo de ingresos e gastos correspondentes ao curso 2011-2012, explicando aos presentes na reunión os conceptos sinalados no devandito resumo. As contas foron aprobadas pola totalidade dos asistentes.

3. Presentación do programa de actividades

Mercé Morros Torrents, como presidenta da ANPA, presentou o programa de actividades para o curso 2012-2013. Algúns asistentes interesáronse sobre algunhas cuestións particulares de certas actividades, cuestións que foron respondidas e aclaradas polos membros da directiva da ANPA.

4. Rogos e preguntas

Neste punto Xavier Valiño García, representante da ANPA no Conselo

Escolar, fixo un pequeno resumo do falado no Conselo celebrado o día 2 de outubro de 2012.

Algúns asistentes formularon queixas sobres o funcionamento do servizo de comedor. Tralo debate, acordouse que os membros da xunta directiva da ANPA se informarán nos próximos días dos posibles problemas que hai no servizo de comedor e que poidan afectar aos alumnos do centro.

Un saúdo: