14 de octubre de 2014
8 de octubre de 2014
BASES REGULADORAS DA CONVOCATORIA DE AXUDAS PARA O ENSINO E O TRANSPORTE DO CONCELLO DE TEO PARA O CURSO 2014/15
Publícanse as bases reguladoras da convocatoria de axudas para o ensino e o transporte do Concello de Teo para o curso 2014/15. O obxecto da presente convocatoria de axudas é favorecer a escolarización pública e formación universitaria en familias con menos recursos económicos de Teo.
Requisitos:
Para ser beneficiario destas axudas é preciso cumprir os seguintes requisitos:
a) Cursar estudos nalgún dos seguintes centros de ensino para os que se solicita a axuda:
– PRIMARIA E INFANTIL: todos os centros públicos do Concello (CEIP A Ramallosa, Os Tilos, Calo e CRA).
– ESO: IES de Cacheiras e Pontepedriña.
– FP OU PCPI: calquera centro público.
– BACHARELATO: IES de Cacheiras , IES de Pontepedriña e o alumnado que curse noutro IES algunha modalidade de Bacharelato que non exista nos centros anteriores.
– UNIVERSITARIOS: calquera universidade galega.
– ENSINANZAS DE RÉXIME ESPECIAL-ENSINANZAS ARTÍSTICAS SUPERIORES: calquera centro galego.
– O ALUMNADO cuxas necesidades educativas especiais impidan a súa escolarización nun centro ordinario do municipio, poderá solicitar a axuda para a asistencia a un Centro de Educación Especial, aínda que non estea localizado no Concello.
b) Que a renda per cápita familiar non supere os límites establecidos na base quinta da presente convocatoria.
c) Estar empadroado no Concello de Teo e ser fillo dependente. Non pode beneficiarse destas axudas o alumnado que non sexa dependente. Consideraranse fillos dependentes os menores de 25 anos e que convivan no domicilio familiar a 31 de decembro do ano inmediato anterior a aquel no que comeza o curso escolar para o que se solicita a axuda sempre que non teñan un contrato de traballo ou percibiran recursos (agás bolsas) durante o ano 2013.
d) Presentar CERTIFICADO DE MATRÍCULA do/a alumno/a para o curso 2014/2015 (agás alumnos/as de Primaria, Infantil e ESO).
e) Cumprir os requisitos para obter a condición de beneficiario, recollidas nos artigos 13 da Lei 38/2003, do 17 de novembro, xeral de subvencións, e 10 da Lei 9/2007, do 13 de xuño, de subvencións de Galicia.
f) As axudas serán solicitadas polos representantes legais do alumnado: os pais, as nais ou os titores.
g) Poderán ser beneficiarios da axuda de transporte o alumnado de:
a. Formación Profesional.
b. PCPI.
c. Universitarios.
d. Alumnado de Bacharelato que curse estudios no IES de Pontepedriña, ou noutro IES nalgunha modalidade que non se imparta no municipio.
e. Alumnado con necesidades educativas especiais escolarizado en centros de educación especial e talleres ocupacionais de fora do Concello.
f. Alumnado de ensinanzas artísticas superiores.
Documentación:
a) As solicitudes para a concesión destas axudas formalizaranse no impreso normalizado que se inclúe como anexo I e poderá así mesmo obterse nas oficinas xerais (Rexistro de Entrada) do Concello de Teo ou ben premendo aquí
b) Xunto coa solicitude, no modelo normalizado e debidamente cuberto, presentarase a seguinte documentación:
– Fotocopia do DNI do solicitante (pai, nai ou titor).
– Fotocopia do libro de familia no que figuren todos os membros da unidade familiar.
– Fotocopia da declaración da renda correspondente ao exercicio 2013 dos pais ou titores legais. No caso de non estar obrigado a presentar a declaración do IRPF, copia da notificación-liquidación ou certificado acreditativo do nivel de rendas emitido pola Axencia de Administración Tributaria que corresponda. Excepcionalmente, se a unidade familiar alega carecer de recursos, ou quere acreditar unha situación excepcional, imprevista ou de carácter de especial necesidade que afecte negativamente á situación familiar ou no caso de percibir pensións non contributivas deberá acreditala mediante informe social. Nos casos de separación ou divorcio estase ao previsto na Base 6.ª para a determinación dos membros da unidade familiar. Os fillos entre 18 e 25 anos inclusive, que perciban rendas e non figuren na declaración da renda dos pais aínda que residan con eles, deberán acreditar os seus rendementos e computarán como ingresos da unidade familiar.
– No caso de presentar solicitudes para varios irmáns, só é necesario presentar un exemplar da fotocopia do DNI do solicitante, do libro de familia e da declaración do IRPF dos proxenitores.
– Facturas orixinais ou copia cotexada que acrediten o gasto realizado en material escolar ou libros para o alumnado de primaria, infantil e E.S.O. Dado o carácter finalista das axudas desta convocatoria, en ningún caso, o importe da axuda concedida polo Concello poderá ser superior ao gasto realizado polo/a beneficiario/a. En consecuencia, de ser necesario, realizarase o oportuno axuste na cantidade da axuda concedida en cada caso. Se se detectasen facturas falsas ou fraude na declaración dos datos facilitados se perderá o dereito a obter as axudas en anos seguintes.
– Certificado da matrícula expedido polo centro educativo para o alumnado de Bacharelato, F.P. , PCPI, universitarios, ensinanzas artísticas superiores e alumnado con necesidades educativas especiais.
– Declaración responsable de atoparse ao corrente coas obrigas tributarias e da Seguridade Social, de non estar incurso/a en ningunha das prohibicións para obter a condición de beneficiario/a de subvencións públicas e de estar ao corrente no cumprimento de obrigas por reintegro de subvencións, e autorización ao Concello de Teo para que realice as comprobacións oportunas durante o todo o período que dure o proceso, segundo anexo II.
Documentación complementaria:
– Certificado que acredite o grao de minusvalía e/ou incapacidade nun grao igual ou superior ao 33% dalgún membro da unidade familiar, se procede.
– Certificado que acredite a situación de desemprego por un período superior a 6 meses durante o ano 2014 dalgún membro da unidade familiar, se procede.
– Documentación acreditativa da situación de familia monoparental ou de ausencia de ambos os dous proxenitores.
Lugar de solicitude:
A solicitude presentarase no Rexistro Xeral do Concello de Teo, de luns a venres en horario de 8.00 a 14.00 horas ou os sábados de 9.00 a 13.00 horas, ou a través das formas establecidas no artigo 38.4 da Lei 30/92, de réxime xurídico das administracións públicas e do procedemento administrativo común.
Prazo:O prazo de presentación de solicitudes será de 20 días hábiles, contados a partir do seguinte ao da publicación destas bases no Boletín Oficial da Provincia
O prazo remata o 31 de outubro.
En prazo de presentación: 09/10/2014 - 31/10/2014
DEBUXA O TEU ALMORZO
A Organización Mundial da Saúde define á obesidade e o sobrepeso como “a pandemia do século XXI”. En España padecen sobrepeso e obesidade o 53% da poboación adulta e o 33% da poboación infantoxuvenil de 2 a 17 anos.
Entre os principais factores xeneradores de obesidade infantil
encóntranse a escasa actividade física e/ou unha alimentación
inadecuada, principalmente no referinte á realización dun almorzo pouco
axeitado. O almorzo é unha comida moi importante e contribúe a que os
escolares teñan máis enerxía para desenvolver as súas actividades. Un
almorzo equilibrado debe estar composto por un lácteo, cereais e froita.
Dado que existe unha gran preocupación polo aumento da prevalencia de
enfermidades non transmisibles e xa que éstas están relacionadas co
patrón alimentario e de actividade física, vémonos na obriga de
establecer un marco de actuación que permita crear as condicións máis
axeitadas e necesarias para que a poboación acade un estado óptimo de
saúde e benestar.
A Consellería de Sanidade, o Foro Interalimentario e a Unión de
Consumidores de Galicia firmaron un convenio de colaboración para a
promoción de estilos de vida saudables.
Conscientes de que é necesaria unha educación nutricional en todos os
ámbitos, as tres partes implicadas no convenio decidiron poñer en
marcha o concurso “DEBUXA O TEU ALMORZO”, no que se establecen dúas
categorías de participación:
1) Categoría xeral: Para nenos e nenas de 1º e 2º cursos de Educación Primaria de calquera centro educativo de Galicia durante o curso 2014-2015.
2) Categoría especial: Para usuarios/as de centros de atención a persoas con discapacidade intelectual e/ou desenvolvemento, radicados en Galicia.
A data límite para a recepción dos debuxos será o día 15 de outubro de 2014.
E-DIXGAL
Co obxectivo de por en marcha o libro
dixital nos centros educativos galegos, o proxecto E-DIXGAL arranca este
curso 2014/2015, incorporando a máis de 2.300 alumnos de 5º de primaria
de 84 centros Abalar que se adscribiron á iniciativa.
Docentes e alumnos dos centros implicados desenvolverán a súa actividade educativa diaria nun entorno virtual de aprendizaxe
que lles vai permitir acceder a contidos dixitais para 5º de primaria
de dous provedores, a editorial EDEBÉ e a empresa de contidos dixitais
Netex.
Os docentes poderán elaborar a súa propia “mochila dixital”
seleccionando a través da plataforma dixital os contidos formativos e
podendo incorporar os materiais complementarios que desexen, así como
contidos de elaboración propia. Cómpre recordar que estes centros,
integrados no proxecto Abalar, teñen tamén a súa disposición o
espazoAbalar con máis de 2.106 recursos educativos dixitais
complementarios en sete idiomas.
Os alumnos poderán acceder ao
material seleccionado polo profesor tanto a través dunha conexión a
internet (modo online) como dende o seu netbook (modo offline). Deste
xeito, garántese que os alumnos e as alumnas que non dispoñan de
conexión a Internet desde as súas casas poidan seguir o curso sen
dificultade. De feito, todo o avance que realicen sen conexión será
actualizado de maneira automática na plataforma en canto o netbook volva
ter conexión de rede.
A posta en marcha desta iniciativa implica a formación do profesorado e do alumnado, que desde o luns 8 de setembro terán á súa disposición na propia plataforma cursos de teleformación orientados a cada un dos perfís sobre o uso e vantaxes da plataforma.
O acceso á plataforma virtual de
aprendizaxe é posible a través de calquera equipo con conexión a
internet sempre que se faga uso das claves de acceso que lle serán
entregadas ao alumnado no centro. Porén o alumno que así o desexe, ten a
posibilidade de utilizar tamén na súa casa o netbook (ordenador
portátil) que emprega na clase, para o que deberá solicitar no seu
centro un formulario de préstamo do mesmo, que devolverá asinado no
prazo máis breve posible.
A utilización do ordenador portátil e
das ferramentas e contidos dixitais instalados no mesmo é gratuíta para o
alumno. As familias comprométense a que o alumnado realice un uso
dilixente do equipamento, ao coidado dun equipo público, que poderá ser
usado noutros cursos por outros alumnos, e a unha utilización vinculada á
actividade educativa para a que é cedido.
Para solucionar incidencias técnicas
no uso do entorno virtual de aprendizaxe, tanto os profesores como as
familias contarán cun equipo de soporte técnico con atención continuada
de luns a venres de 8 a 20 horas, a través do teléfono 881 99 77 01 e no correo electrónico uac@edu.xunta.es
6 de octubre de 2014
ASEMBLEA ORDINARIA ANPA ‘RÍO TELLA’ - 10 DE OUTUBRO DE 2014
CONVOCATORIA
ASEMBLEA ORDINARIA ANPA ‘RÍO TELLA’
ORDE
DO DÍA
A ANPA ‘Río
Tella’ convoca aos pais e nais do CEIP da Ramallosa a unha asamblea ordinaria
que terá lugar o vindeiro VENRES, 10 DE OUTUBRO no Salón de Actos do
CEIP da Ramallosa, ás 20:00 horas en primeira convocatoria, e ás 20.30
horas en segunda, coa seguinte orde do día:
- Lectura e aprobación da acta da Asemblea anterior
- Presentación da nova directiva do ANPA
- Presentación dos obxetivos para o curso 2014/2015
- Rogos e preguntas
Queremos chamar
á vosa atención sobre a importancia da asistencia as asembleas do ANPA.
Sen outro
particular, recibide un cordial saúdo.
ANPA ‘Río Tella’
Suscribirse a:
Entradas (Atom)
